ខ្ញុំសប្បាយចិត្តណាស់ដែលបានឃើញមិត្តៗគាំទ្រប្លុករបស់ខ្ញុំ

មរណៈ៤ យាំងគឺ៖

១-អាយុក្ខយមរណៈ    ស្លាប់ដោយអស់អាយុ  ភ្លើងចង្កៀងរលត់ដោយអស់ប្រេង

២-កម្មក្ខយមរណៈ      ស្លាប់ដោយអស់កម្ម ភ្លើងចង្កៀងរលត់ដោយអស់ផ្ឆេះ

៣-ឧភយក្ខយមរណៈ  ស្លាប់ដោយអស់អាយុ និងអស់កម្ម ភ្លើងចង្កៀងរលត់ដោយ ប្រេង និង អស់ផ្ឆេះ

៤-ឧបច្ឆេទកកម្មុនា     ស្លាប់ដោយកម្មចូលមកកាត់បង ភ្លើងចង្កៀងរលត់ដោយ

      ខ្យល់ចូលឆកយករលត់តែម្ដង

ខ្ញុំសប្បាយចិត្តណាស់ដែលបានឃើញមិត្តៗគាំទ្រប្លុករបស់ខ្ញុំ

ព្រះរដ្ឋបាលថ្វាយព្រះពរថា ៖

- បពិត្រមហារាជ      មានធម្មុទ្ទេសបួនប្រការដែលព្រះមាន

ព្រះភាគ   ជាអរហន្ដសម្មាសម្ពុទ្ធ   ព្រះអង្គនោះទ្រង់ជ្រាបច្បាស់  ឃើញច្បាស់  ទ្រង់សម្ដែងហើយ  ដែលអាត្មាភាពបានដឹងផង ឃើញផង ឮហើយផង ទើបចាកចេញពីផ្ទះទៅបួស   ។

ធម្មុទ្ទេសបួនយ៉ាងដូចម្ដេច ?

- បពិត្រមហារាជ  ព្រះមានព្រះភាគជាអរហន្ដសម្មាសម្ពុទ្ធ  

ព្រះអង្គនោះ ទ្រង់ជ្រាបច្បាស់ ឃើញច្បាស់ ទ្រង់សម្ដែងហើយថា ៖

• ធម្មុទ្ទេសទី១ : ឧបនីយតិ លោកោ អទ្ធុវោ   សត្វលោកមិនទៀង   តែងត្រូវជរានាំ ចូលទៅរក ( មរណៈ ) ;

• ធម្មុទ្ទេសទី២ : អតាណោ លោកោ អនភិស្សរោ    សត្វលោកមិនមានគ្រឿងការពារមិនមាន ទីពឹងឡើយ ;

• ធម្មុទ្ទេសទី៣ : អស្សកោ លោកោ សព្វំ បហាយ គមនីយំ    សត្វលោកសុទ្ធតែមិនមានអ្វីជារបស់ខ្លួន ត្រូវតែលះបង់របស់ទាំងពួងដូច្នេះ ;

• ធម្មុទ្ទេសទី៤ : ឩនោ លោកោ អតិត្តោ តណ្ហាទាសោ   សត្វលោកមានតែសេចក្ដីខ្វះខាត មិនចេះឆ្អែត សុទ្ធតែជាខ្ញុំរបស់តណ្ហា   ។

 ធម្មុទ្ទេសទាំងបួនយ៉ាងនេះឯង ដែលព្រះមានបុណ្យព្រះអង្គនោះ ជាអរហន្ដសម្មាសម្ពុទ្ធ ទ្រង់ជ្រាបច្បាស់ ឃើញច្បាស់ ទ្រង់ត្រាស់សម្ដែងហើយដូច្នេះ ដែលអាត្មាភាពបានដឹងផង ឃើញផង ឮផង ហើយចេញចាកផ្ទះទៅបួស   ។